Kaldearte 2021: Gasteizko Kaleko Arteen Nazioarteko XV. Erakusketa

Kaldearteren hamabosgarren edizioa ekainaren 11, 12 eta 13an izango da

2021, festibala ohiko formatua edukiko du berriro, 63 ikuskizun eta 33 konpainiarekin. Ikuskizunetako sei estatu mailako kale estreinaldiak dira eta beste batzuk Kaldeartek koproduzitutakoak. Guztira, 4 konpainia gasteiztarrek, 9 euskaldunek, 15 estatukoek eta 5 atzerritarrek hartuko dute parte.

Inaugurazio ikuskizuna ekainaren 11n izango da, 21: 00etan, Iparraldeko Parkean. Frantziako Bivouac konpainiaren ikuskizuna ‘Perceptions’ du izena, eta zirku kontenporaneoko muntaia bat da. Aurten, festibala hiriko erdiguneko 10 gunetan egingo da, jende pilaketa saihesteko. Aire librean egongo dira, mugatuta eta edukiera jakin batekin, eta ikusleak eserita egongo dira. Aldez aurretik erreserba egin behar da, eta berrikuntza gisa, festibala mugikorretarako doako aplikazio bat du aurten, emanaldiak ordutegiaren eta espazioen arabera kontsultatzeko aukera ematen duena.

Gonbidapenak dagoeneko erreserbatu daitezke aplikazioan, udalaren webgunean eta 945 16 16 18 telefonoan, 9: 00etatik 14: 00etara, lanegunetan. Pertsona bakoitzak gehienez 2 gonbidapen erreserbatu ditzake ikuskizun bakoitzeko.

Informazio gehiago