Donostia / San Sebastián

Badia zoragarria da, Igeldo mendiarekin eta Santa Klara uhartearekin batera inguru paregabea osatzen duena, baina gehiago ere bada. Donostia bisitatzeko modu asko daude: ihesaldi erromantiko bat, familiarekin bidaian, lagunekin… Hiriak askotariko eskaintza dauka, jende mota guztietarako aproposa.

Arkitekturaren historia ikus dezakegu Donostian, eta, horren erakusgarri, mota askotako eraikinak aurki ditzakegu: batetik, eraikin klasikoak eta Belle Epoqueko lanak, eta, bestetik, abangoardiako eraikin modernoak —Kursaal Kongresu Jauregia eta Auditoriuma adibidez—, estetika tradizionalarekin batera bizi direnak.

Oso kultura-agenda aktiboa dauka, eta horregatik, besteak beste, Kulturaren Europako Hiriburu izendatu zuten 2016. urtean.

Hiriak museo-eskaintza zabala dauka. Besteak beste, San Telmo Museoa, Euskadiko museorik zaharrena dena, Tabakalera, Aquariuma eta Untzi Museoa. Eskulturak ere badu bere leku magikoa: Chillida-Leku Museoa, non Eduardo Chillida artista donostiar bikainaren lanak natura garbienarekin uztartzen diren. Eureka! Zientzia Museoa, eta haurrentzat bereziki, Zientziaren Kutxagunea dugu; museo horretan ukitzea ez dago debekatuta, eta, alderantziz, bisitariak harreman zuzena eduki dezake laginekin eta esperimentuekin.

Gastronomia artea da hiri honetan, benetako nortasun-ikurra. Michelin izarrei esker mundu osoan ospetsu egin diren jatetxeekin hasi eta miniaturako sukaldaritzaraino. Azken horren ildotik, bisitariak barra ikusgarriak miretsiko ditu, eta bertakoen konpainian pintxoak janez gozatu ederra hartuko du, euskaldunon ohiturarik hedatuenetako batekin bat eginik.

Merkataritza-eskaintza zabala banatzen da Donostiako auzo guztzietan barrena. Tokiko dendak erdialdean, ezbairik gabe erosketa-eremu nagusian, baita Gros auzoan ere, non zenbait denda xarmangarri biltzen diren. Eta, jakina, Bretxako azoka tradizionala.

Oinez eta bizikletaz ibiltzeko gogoa ematen duen hiria da. Pertsonen neurrira diseinatutako hiria, oinez erraz zeharka daitekeena.

Garraio publikoan modu erraz eta merkean mugitu nahi baduzu, Donostiako Turismo bulegoan San Sebastian Card eskura dezakezu, gomendatzeko moduko txartel bat horrela mugitzea aukeratzen dutenentzat.

Argazki galeria

Dena ikusi

Direktorioa

Ikusi gehiago  

INTERESEKO ARTIKULUAK

Ikusi gehiago  

15 plan dituzu zain Donostian

Aurtengo uda garai paregabea da Donostiaz gozatzeko. Horregatik, 2020. urtea urte ahaztezin bihurtzeko 15 modu aurkezten dizkizu Donostiak. Inguratzen gaituen guztia arretaz aztertzeko, gauza txikiak estimatzeko eta  plan eta jarduera guztiez lagunarte ederrean gozatzeko …

Jarraitu irakurtzen