Hondarribia hiribildu gotortu ederra da. Ezinbestekoa da Marina auzoa bisitatzea, eta, bertan, itsas usaineko marinelen etxe koloretsuez eta pintxo-taberna eta jatetxeetako giroaz gozatzea. Arrantzale Kofradia dugu arrantza-portu horren jardunaren erakusgarri, eta esan beharra dago kalitate bikaineko produktuak eskaintzen dituztela bertan. Parte zaharreko arkitekturak bertako kaleetan barrena ibiltzeko gonbita egiten digu, bidean bertako plaza ederrak, Erdi Aroko arkitektura, monumentuen aberastasuna eta egundoko harresiak aurkitzeko: Arma Plaza, Carlos V.a Enperadorearen Gaztelua (gaur egun, Paradore Nazionala) eta Jasokundeko Andre Maria Eliza dira Hondarribiko top tokietako batzuk.
Historia oparoaren jabea Frantziarekiko mugan duen kokapena tarteko, Bidasoa ibaiaren eta Aiako Harriaren arteko hiri honek naturagune ederra eskaintzen digu, baita merkataritza-bizitza harrigarria ere. Horrez gain kultura- eta monumentu-eskaintza nabarmena dauka. Irunera datorrenak OIASSO Erromatar Museoa bisitatu behar du ezinbestean, bertan biltzen baita Euskadiko erromatar aztarnategi nagusiko aztarnen zati handi bat.
Badian barrena ibiltzea eta aldameneko Hendaia bisitatzea hiri hori eta Hondarribia lotzen dituen ontzian. Esperientzia hori ere ezinbestekoa da helmuga hau aukeratzen duzuenentzat. Hala, Txingudiko badia osatzen duten hiru udalerriez —Hondarribia, Irun eta Hendaia— gozatuko duzue.
Hondarribia eta Iruni buruzko artikulu interesgarriak
9 apirila, 2025
Bechdel zinema-zikloaren barruan
Bechdel zinema-zikloaren barruan, Maura Delpero zuzendariaren Vermiglio filma emango dute, bertsio originalean, gaztelaniazko azpidatziekin. Ikusi Bigarren Mundu Gerraren amaieran Italiako Alpeetako herrixka batean girotutako drama hau. Data: 2025/11/4 Ordutegia: 18:30ean CBAnPrezioa: doakoa Harremanetarako: 943 …
5 martxoa, 2025
Martetik Martera Irunen
Hilabete honetan, jendeak beste era batera gozatuko du Martez Bisitariek mitologia klasikoaren eta astronomiaren arteko loturak miatuko dituzte, Marte gerraren jainko erromatarra eta Eguzki sistemako planeta gorria (Marte hori ere) lotzen dituen erakusketari esker. …
29 urtarrila, 2025
Arkeolab Irungo Oiasso erromater museoan
Larunbatetan, 10:00etatik 13:00etara, 6 eta 12 urte bitarteko haurrak benetako arkeologo bihurtu ahal izango dira Oiasso Erromatar Museoan. Arkeolab tailerrari esker, indusketak egin ahal izango dituzte aztarnategi arkeologiko simulatu batean, askotariko aztarnak bilatzeko, hala …
