Gure herria toki paregabea da bizitzeko, eta, horrez gainera, hamaika txoko ditu ezagutzeko, plan ugari egiteko, eta ospakizun kulturalak guztiontzako.
Euskaldunon izaera bakarra denez, eta historia berezia eta sustrai kultural eta sozial errotuak ditugunez, gure tradizioak, folklorea eta mitologia bereziki jatorrak eta biziak dira. Euskadi, zalantzarik gabe, errealitate-mosaiko aberatseko herria da, paisaien eta pertsonen kontrasteak dituena, tradizionala eta modernoa aldi berean.
Euskadin harreman estua dugu naturarekin. Alde batetik, itsasoa dugu, zeinak itsas izaera eta kostaldeko herrien esentzia eman baitio gure herriari. Bestetik, barrualdea dugu, haran eta mendi berde-berdeekin. Herri eta landaguneek benetako Basque Style bizimodua harrotasunez bizi, zaindu eta partekatzen dute, zeina gure herritik kanpo ere ezaguna egin baita.
Euskara ere gogoan dugu. Europako hizkuntza zahar biziena da.
Euskaldunontzat bizitzeko eta komunikatzeko modu bat da, partekatzea eta sentitzea gustatzen zaiguna. Hizkuntza aberats bat da, soinu eta erritmo desberdinak dituena Euskadiko herri eta hiriburu bakoitzean, eta diziplina bakar eta bereziak ditu. Gure kulturaren funtsa da, zentzurik zabalenean.
