Bilbo Helmuga Turistiko Adimendunen Sareko kide da 2019tik, eta, joan den 2023az geroztik, eskubide osoz egiaztatutako DTI helmuga bakarrenetakoa da, metodologiaren eskakizunak % 80 edo gehiago betetzen dituelako, Donostia, Benidorm, Gijon, Malaga, Tenerife eta Santanderrekin batera. Gainerako helmugak DTI atxikituak dira.
Hauek dira Bilbori bereizgarri hori lortzen lagundu dioten indarguneak: lurraldean sartzen diren proiektu teknologikoak antolatzen dituen Smart Plan Estrategikoa izatea; hirian berrikuntza-ekosistema bultzatzea; beste lurralde batzuekin jardunbide egokiak trukatzea ahalbidetzen duten berrikuntza-proiektuetan parte hartzea; azpiegitura teknologiko eta konektibitate azpimarragarriak izatea; udalerrian hodei-konputazio eta ertzeko konputazioko irtenbideak edukitzea; hiriak GJHen arabera egiten duen jasangarritasun turistikoaren plangintza eta kudeaketa, eta helmugan irisgarritasuna hobetzeko erabiltzaileen parte-hartzea sustatzea.
