Hondarribia - Irun

Oiasso Erromatar Museoa

Oiasso Erromatar Museoa Oiasso hiriaren inguruan aurkitutako erromatar garaiko aztarnak biltzen dituen museoa da. Inguruko ondare arkeologikoa ezagutzera eman eta Bizkaiko Golkoan erromatarren garaia ezagutzeko eta hedatzeko erreferentzia-gune bihurtzeko helburua du.

Museoak aukera ematen du Oiasso era gozagarrian ezagutzeko, erromatar munduak gizarte indigenan izan zuen eragina, portuaren aurkikuntza arkeologikoa eta hiriko biztanleek I. eta II. mendeetan izan zuten bizimodua azaltzen dituzten guneen bitartez.