Bizkaiko Foru Aldundiaren jauregia 1900eko uztailaren 31n inauguratu zuten, San Ignazio egunez (Bizkaiko zaindaria). Polemika handia sortu omen zen fatxadako ornamentazio biziarengatik.

Luis Aladrén arkitektoak diseinatu zuen; estilo eklektikoa du, monumentalismoa, barrokismoa eta Erdi Aroko iradokizunak nahasten direla, eta eraikin solido eta handientsuetan bere boterearen aztarna uztearen mentalitate burgesa ikusten da.