Zarautz

Zer bisitatu Zarautzen

Zarautz herri paregabea da itsasoko eta lehorreko zaporeez lasai-lasai gozatzeko. Jendez eta ekintzaz beteta egoten da Zarautz uda garaian.

Donostiatik gertu dago euskal kostaldeko herri hau. Bere ezaugarri nagusia da oso toki egokia dela urte osoan lasai bizitzeko, itsasoaren joan-etorri leunaren soinuarekin. Toki aproposa da kulturaz eta enogastronomiaz gozatzeko eta bertako festa alai eta tradizionaletan parte hartzeko. Festa horietan musika, folklorea, estropadak eta herri-kirolak dira nagusi. Zarautzek gaur egun berezko erritmoa du, inguruko mendietara eta itsasora moldatua. Herri modernoa da, eta pozik partekatzen ditu bere tradizioak.

Itsasoan eta mendian ibilaldi osasuntsu eta ederrak egin daitezke itsasertzetik aldendu gabe. Horren adibide dugu malekoian hasi eta zurezko 700 metroko pasarela ederrean amaitzen dena, aukera ematen baitigu oinen azpian geratzen zaigun duna-sistema bertatik bertara ikusteko. Iñurritzako Paisaia Natural Babestu izendapena du, ingurumen-balio handikoa baita. Luzeena da Gipuzkoako kostaldean, eta Talaimendiren ondoan dago.

Kulturari dagokionez, Photomuseum Argazki eta Zinema Museoan argazkigintzako teknikaren eta artearen eta zinemagintzaren ibilbide kronologikoa ikus dezakegu.

Bestalde, Santa Maria la Real monumentu-multzo arkeologikoaren baitan, historikoki eta artistikoki interesgarriak diren espazio arkitektoniko batzuk daude. Erromanizazio garaiko aztarnak eta Erdi Aroko nekropolia (kristalezko lurra dago zentimetro gutxira ikusi ahal izateko) dira nabarmenenak. Eta erakusketa-geletan kultura-eskaintza ugaria izaten da.

Turismoa Zarautzen

Zarauzko itsasertzetik aurrera eginda, itsasoaren gainetik doan ibilbidean 4 kilometro aurrera jarraitu eta Getaria herri arrantzalera iritsiko gara. Han jaio zen Elkano itsasgizona, munduari bira eman zion lehen gizona, eta baita ere, Cristobal Balenciaga, modaren arkitektoa. Merezi du Cristobal Balenciaga museoa bisitatzea hark egindako soineko zoragarriak ikusteko. Orio ere gertu dugu, arraun tradizio handiko herria, eta arrain erretegi ugari dituena.

Santiago Bideko puntu garrantzitsu bat da. Gertu dugu, halaber, Zumaia, eta han, Euskal Kostaldeko Geoparkea, ondare paisajistiko eta kultural paregabea.

Eta gertu, baita ere, Aia, Pagoetako Parke Naturaleko sarrera, landa-eremua eta kolore berdea hurbiltzen dizkiguna.

Zarautzi buruzko artikulu interesgarriak